Shaxsiy Web saytim

Super prem'era: «Bolalar» - «Kechir»!!!

mobile_uz — Sat, 11 Oct 2008 17:40:17 GMT

Estradamiz mega-yulduzi Tohir Sodiqov va "Bolalar" guruhi o'zining "Kechir" nomli yangi taronasiga klip suratga tushirayotgani haqida sizga avval xabar bergan edik. Ushbu klipni suratga olish jarayoni yakunlanganiga ancha bo'ldi va ushbu klip bugun sizning hukimngizga havola etilishga tayyor!

Qo'shiqning ijrosiga va unga ishlangan klipga baho berish albatta siz aziz muxlislar hukimga havola. Biroq, Tohir Sodiqov o'z qo'shiqlariga juda ham kam klip suratga tushirishini inobatga oladigan bo'lsak, muxlislar uchun bu juda ham katta sovg'a va albatta klip ularga manzur bo'lsa ajab emas.

Klipni ko'chirib olish

Jakhongir.uz endi teleboshlovchi!

mobile_uz — Tue, 30 Sep 2008 20:41:13 GMT

Sarlavhani o'qib ajablanishingiz tabiiy. Chunki Jakhongir.uz ni siz xonanda, bastakor va ovoz rejissori sifatida yaxshi taniysiz. Lekin teleboshlovchi sifatidachi? Qiziq a...? Gap shundaki, Jakhongir.uz "Sport" telekanalining "Bodroe utro" ko'rsatuvida boshlovchilik qilmoqda. Qachon deysizmi, 29 sentyabr dushanba kuni soat 07:00dan 08:00ga qadar...

Qanchalik mohirlik bilan boshlovchilik qilgan ekan? Buni albatta dasturni tomosha qilib bilib olishimiz mumkin. Lekin Jakhongir.uz ushbu ko'rsatuvda boshlovchilik qilishda unchalik ham qiynalgani yo'q. Sababi rus maktabini bitirganligi va asl sohasi ovoz rejissori bo'lganligi uchun. Ijodidagi yangiliklarga to'xtaladigan bo'lsak... Yaxshisi bu haqida keyinroq tanishtiramiz.

Oybek va Nigora o'z ijodini o'zgartirmoqchi!

mobile_uz — Mon, 22 Sep 2008 13:07:50 GMT

Hozirda barcha FM to'lqinlari orqali Oybek va Nigoraning "Sog'indingmi men qurg'urni" deb nomlangan taronasi muxlislarga havola etib kelinmoqda. Endilikda esa, ushbu qo'shiqning remiks nusxasi ham tayyorlandi. Albatta muxlislarning talabiga binoan! Oybek va Nigora ijod yo'lini biroz o'zgartirib, bastakor Jakhongir.uz bilan hamkorlikda yangi tarona ustida ish olib borishmoqda...

Bastakor Jakhongir.uz Oybek va Nigoraning "Qachongacha" deb nomlangan yangi taronasi uchun musiqa yozdi. Qo'shiqning so'zini esa, Shahzod G'ulomov qalamiga mansub. Tez kunda bu taronani ham FM to'lqinlari orqali tinglashingiz mumkin.

«To'ylar muborak-2» uchun «Radius 21»dan saundtrek!

mobile_uz — Sun, 21 Sep 2008 02:12:58 GMT

"To'ylar muborak-2" filmi tez kunlarda katta ekranlarni zabt etadi va mazkur film uchun tayyorlangan maxsus saundtrek-klipda siz film haqida oz-moz ma'lumotga ega bo'lishingiz mumkin. Bugun siz azizlar uchun prem'era tarzida "Radius 21" hamda Javohir Zokirov ijrosidagi saundtrek taronani e'tiboringiz taqdim etamiz.

Quyida sizning e'tiboringizga klipdan ba'zi fotolavhalar havola etilmoqda. Shuningdek, odatga ko'ra 1-raqamli portal klipni ham eksklyuziv tarzda siz uchun ko'chirib olish imkoniyatini yaratadi. Noan'anaviy tarzda kuylangan qo'shiq va unga noan'anaviy tarzda ishlangan klipni ko'chirib oling, tomosha qiling va baho bering!

Klipni ko'chirib olish